كشفت الفنانة وفاء مكي عن سبب رفضها العمل مع الفنان محمد رمضان، في مسلسله الجديد “العمدة”، حيث أكدت في تصريحات صحافية أن هذا العمل لا يليق بتاريخها الفني، وأنها رفضته رغم مرورها بضائقة مالية.
وقالت وفاء “فيها إيه لما أرفض أشتغل مع محمد رمضان هو مين؟ أنا عملت 86 بطولة، عايزني أرجع تافهة وهايفة؟ أنا مش جاية من على السلّم وعملت 86 بطولة وأعمالي تشهد لي، ولازم أرجع بتاريخي ومحدش يرمي لي دور أي كلام، وفيه فنانين كتير من غير شغل يا ترى عندهم قضية زيي؟”.
وعن الهجوم الذي تتعرض له باستمرار بسبب قضية تعذيبها لخادمتين، قالت وفاء “أنا لما اتحبست طلعت اشتغلت خمسة أعمال دفعة واحدة، لأني بصرف على يتامى وأمي مريضة ودلوقتي مبقتش عارفة أجيب لها علاج، وأنا مش إعانة أو بشحت دا أنا بطلب آكل من عرق جبيني، واللي هيتكلم على قضيتي عنده حقد لأن القضية بقالها 20 سنة وأنا واحدة عارفة ربنا وبيني وبينه عمار”. وأضافت “أنا قضيتي بسيطة دا فيه فنانين خرجوا من قضايا دعارة واشتغلوا عادي؟ مش فاهمة ليه الناس بتتكلم على قضية بقالها سنين والموضوع خلص، وإيه علاقة الشغل بالقضايا والمشاكل الشخصية؟”.
